براءة طفل – بقلم فاطمة علام مشاركة ضمن موسوعة “غزة كفاح وجراح”
أيوه أنا شوفت البراءه
كان في إيدها حصوتين
هما أطفال الحجاره
ع الشجاعه مفطومين
جاي بيلعب بالشهاده
لفظ سمعه مرتين
أدمنه بقى عنده عادة
سُنَّة واجبة وفرض عين
الجهاد يانااس عباده
لجل أولى القبلتين
حلم راوده كل عمره
عاش بيحلم بيه سنين
لما مات أبوه فى غاره
ومات أخوه بعده بيومين
إتخلق جواه مراره
ضد كل الغاصبين
قام سأل وبدون إجابه
ياعرب نخوتكوا فين ؟
مش شايفها في القياده
واغتيالنا أصبح روتين
بالعزيمة والإراده
وألف 100 مليون يمين
مش هايرجع تاني داره
إلا لو حرر بلاده
م الصهاينة الملعونين
الشجاعة سلاح إباده
والمقاومة بحصوتين
هذه الصفحة “الخاطرة النثرية” مخصصة للمشاركات والمساهمات الأدبية في موسوعة “غزة كفاح وجراح” الواردة إلى بيت فلسطين للثقافة
رابط مختصر: https://palfcul.org/?p=11928