دقيقه حداد – بقلم فاطمة علام مشاركة ضمن موسوعة “غزة كفاح وجراح”
دقيقه حداد
على القدس
وعلى الأقصى
على العزة وعلى النخوة
اللي ماتت موووت
وطالبه يا دوبك الدفنة
على عروبة يا دوب شعارات
عددها يفوق ..
لكنها ف النعاس راحت
ومش راضية لثواني تفوق
وواخدة م الزمن غفوة
دقيقه حداد …
على أمة ثباتها سكوت
برغم عددها لا يحصى
قولوا لي إمتى بس تفوق ؟!
ومن غفوتها دي تصحى؟
كرهت الدعم والتأييد
كرهت الشجب والتنديد
كرهت النشرة صورة وصوت
من اللي بيجرى
فى غزة
شيوخ تبكي وطفل يموت
في حرق بلاد وهدم بيوت
فى قتل شباب
وهتك أعراض
عشان بينادوا بالعزة
خدوا في القلب 100غزة
بشاعة تعدى أي حدود
بدون شفقة بدون رحمة
وليهم ناس بتسندهم
لا ليهم رد يوم بلاقيه
ولا مردود
ولا لينا غير الحسرة بلاقي وجود
ورد الفعل كان وقفة
يا دووبك في
دقيقه حداد!!!
سامحني يا صاحبي
دي فرصة
أفضفض لك
عن القصة
فيه ناس بتموت
فى وسط النار
وناس عايشة هنا هايصة
عدو فاجر قوى غدار
سلاحه ندالة مع خسة
أنا أسفة
خلاص فاض بي ونفد صبري
لأرضي إزاي يا ناس هانسى
أنا خايفة يموت صوتي
من الحسرة
انا رافضة جميع الاعذار
ومش هاقبل أكون جثة
وتقفوا عليها بالتمثيل
دقيقة حداد
هذه الصفحة “الخاطرة النثرية” مخصّصة للمشاركات والمساهمات الأدبية في موسوعة “غزة كفاح وجراح” الواردة إلى بيت فلسطين للثقافة
https://palfcul.org/?p=11922 رابط مختصر