دفتر حضور الامه فين
فين بصمة الولد الكفيف
فين بصمة الراجل العفيف
فين بصمتة العربي الشريف
فى وسط صمت المقهورين
ضايعه الملامح فى العلن
مافضلش غير ملمح عقيم
صمت الوشوش اصبح حزين
ودمع عشش في القلوب من غير كفن
قرر يتوب كل البشر م الغفلة يوم
كدب كلامهم وانتبه
لو يجمعوا من الأرض طين
الطين احن من البشر
مسحول يا عمر كل وفي جو الوطن
الكل بقيو مسطولين
من غير كسات شربوا الألم اوجاع من كف مين .؟
كل االى يلمح جوع الولاد .
شايف عجوز بتستغيث وسط الكلاب
وجسم جفف من الحروب
اطفال بتدعي ربنا فين الطعام
خزلونا والله العرب
وشافونا بنموت بانتظام
خيام بناسها بنضرب قالوا تمام
ولا قدروا يوم يمحوا أثار صوت الرصاص
والامه نايمه بتستجم والضغط ذايد على الزناد
وقلوب بتصرخ نفسى اتوب
ولا حلم ام صرختها هزت البلاد
تصرخ يارب الكل سابنا
زلزل معادك قرب حسابك
حين المعاد
ودعاء لام تشفع لمين يا رسول الله
يوم الحساب
لامه غفلت عننا
وارجع لنفس التكملة
افتح دفاتر، الاغنيا
في وسط سلطه بتتحكم تنسج خليط بكره
فى وسط ضحكة بتترسم ملعون ابو الفكرة
دفتر حضوركم يا عرب مركون هناك
اتغطى بدم الشهيد وتشهد الافلاك
تبثق عليكي من السما حبه هلاك
والدم مرشوش على الأراضي بالألم خالط معاه الذكريات
الأرض رفضا تطمس ملامح إلى جاي
ولا انها تحضن بطينها الدم وتكرر الذنب إلى فات
وقت أما دم قابيل فى حضنها اتلملم
وغضب عليها ربها زلزال فى جوفها ساعات
الجوف جحيم من وقتها
الشمس بتصقف لها
وتنظف الدم ال بات شاهد على الذكرى
تكتب بحبر الظلم فى كل يوم قطره
يا ابن آدم بكره يثور التاريخ ولا تنتهي الفكره
مكتوب في دفتر حضور أن العرب
بصموا انصراف عن طريق الحق بس من فتره
https://palfcul.org/?p=12216رابط مختصر