ابكي ياعيني اليوم الدمع ايهون – بقلم داده عبد القادر بن محمد مشاركة ضمن موسوعة “غزة كفاح وجراح“
ابكي ياعيني اليوم الدمع ايهون
كي دسنا باقدامنا تاج الفخرة .
وصرنا نعت اغنم فسرحة تحت اغصون
قواة النطحة بينهم كم من مرة .
لا نخوة لا نيف صار كل شي مدفون
وابقات ما بيناتنا غير الهضرة .
والا صار إيمانا لينا مدهون
و الا صار اسلامنا اسم شهرة .
أمتنا خصالها تحافظ وتصون
وبلمتنا ياخاوتي تكون النصرة .
يا بني العربان قولوا واش نكون
طاح قدرنا ما بقينا ياحسرة .
كيف اليوم تهينا بني صهيون
وبالتطبيع يا صاحبي زادو فخرة .
حرام القدس يا خاوتي يرخس وايهون
عاد الخوف فاقلوبنا نابت شجرة .
بسباب خلافاتنا قدرنا مطحون
طاح وطيحنا جميعنا في حفرة .
تهنا يا لعرب فادشاري وامدون
ما وحدنا اصفوفنا والا فكرة .
واخلطنا بالكل العاقل والمجنون
واخبرنا ولات فاخر النشرة .
ما هو كيف اقبيل كان عربي مشحون
جيش الاستعمار خليناهم عبرة .
الظالم والحاكم نفسوا يا
مهيون
الشكوى لله ما هي للكفرة .
نيبانهم مكشرة بني كلبون
قالوا يمحونا كامل في خطرة
يستحلاو اوكيلنا باسم القانون
وحقوق الإنسان زادتهم نصرة
طغاوتهم يا ناس دي غلبت فرعون
والأرض الخضرة اليوم ترجع حمرة
مادامت لحوال وينك شارون
قتلت الأبرياء طفل راجل
وامرة.
واليوم راك ابعيد غير جثة معفون
وغزة تبقى صامدة جروحها تبرى .
عتادكم بسلاحنا ما هو مقرون
صاروخكم وارصاصكم صبحو غبرة .
جزايري معروف ليه الدم سخون
ما نرضى بالذل ما نقبل حقرة .
فرنسا لحقتنا بعسكرها فاسفون
قريناها درسنا فكم من
دشرة .
قريناهم كيف للقتال افنون
حلفنا ما يبقى اشبر لينا برا .
عبد القادر داده نظمي ملحون
عذروني يا خاوتي ناقص خبرة .
نطلب فالاله خالق هاد الكون
فلسطين وامثالها ترجع حرة .
فلسطين لو ظالمة نعطيك العون
ايشعشع نور القدس كي ضو القمرة .
هذه الصفحة “الخاطرة النثرية” مخصّصة للمشاركات والمساهمات الأدبية في موسوعة “غزة كفاح وجراح” الواردة إلى بيت فلسطين للثقافة
https://palfcul.org/?p=11828رابط مختصر